“A Grunge View” pódese ver ata o 30 de setembro, de luns a venres de 10.00 a 14.00 e de 16.00 a 20.00 e os sábados de 11.00 a 14.00. Trátase duna mostra multiforme centrada na explotación contemporánea do poder creativo e plástico da arte da fotografía.

A fotografía que recolle Liván nesta mostra ten unha tendencia máis documentalista e aborda todo tipo de contido: desde a arquitectura ata unha protesta, manifestacións de expresión nunha realidade sociocultural.  A iconografía do cotiá revela que  “nada é o que parece ser… ” en alusións á mítica canción de Pearl Jam. Esa proposta expositiva recolle espazos arquetectónicos, reflexos e retratos para produndizar na xeometría da luz.

O “grunge” é unha das tantas perspectivas poéticas establecidas. Residual por ser inconformista ao tempo que clarividente, autodestrutiva, transformadora, irreverente. Todo elo vese reflexado nas cores rutilantes, nos tonos, as sustancias, a nitidez animal dos sentidos.

A mostra de Liván J. González preséntase como todo un referente de maestría na utilización da fotografía e a linguaxe visual. Cada obra contén unha mensaxe particular e propia, constituindo un concepto en sí mesma, pero tamén foma parte dun todo.