HomesociedadeRibeira Sacra comeza a vendima o día 11 a falta dunha data...

Ribeira Sacra comeza a vendima o día 11 a falta dunha data oficial

A falta dunha data oficial para comezar a vendima na D.O. Ribeira Sacra, Adega Algueira S.L. xa notificou no Consello Regulador que comezará a vendima  o 11 de setembro. Na D.O. Rías Baixas vendimáronse xa esta fin de semana parcelas para espumoso nas subzonas do Condado e O Rosal e O Ribeiro ten a data 10 de setembro 3 adegas abertas.

Publicado o

- Advertisement -

Ás portas dunha nova campaña de vendima, únicamente a D.O. Valdeorras anunciou a súa data oficial para o inicio da vendima. A data recomendada polo Consello Regulador é o 12 de setembro. Un día antes ten previsto comezar a vendima Adega Algueira da D.O. Ribeira Sacra, no municipio de Sober, subzona de Amandi. Algueira comezará a recollida de uva en determinadas parcelas, aquelas no que o estado é óptimo para a recollida. Na D.O. Monterrei, espérase que cara finais desta semana algunhas adegas comecen a vendimar e na D.O. Rías Baixas darase por comezada a campaña cando estean vendimando adegas de todas as subzonas, polo momento iniciaron recollida de uva para espumosos no Condado e O Rosal. Na D.O. Ribeiro non traballan con datas oficiais e a día de hoxe tres adegas están abertas con labores de vendima.

Entre tanto os técnicos do Consello Regulador da Ribeira Sacra seguen efectuando os controis de maduración en parcelas das cinco subzonas co obxecto de determinar a data oficial recomenda para o inicio xeneralizado da campaña  no terrritorio da Denominación de Orixe. Independentemente desa data, pódense pedir permisos puntuais para iniciar os traballos antes, cando determinadas viñas se atopen no momento idóneo. A climatoloxía desta próxima semana será boa e, segundo as previsions de meteogalicia, con ausencia de tormentas, o que pode facer que moitas adegas e viticultores esperen este tempo, como mínimo, para iniciar a campaña.

ÚLTIMAS

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...