No mes de decembro, a curta gañou o “Cencerro do Público” en Etnovideográfica (Zamora), o Festival de Cine do Museo Etnográfico de Castela e León. O pasado sábado gañou o premio ó Mellor Filme Galego na 17MICE do Museo do Pobo Galego en Santiago de Compostela e o domingo fíxose co Premio Pirineos en Espiello (Huesca).
O documental que se presentou este ano, trata sobre a vida de Edilberto Rodríguez, un rapaz que deixou os estudios de Forestais en Ponferrada, para adicarse ó que máis lle gusta e ser pastor como o seu avó. Vive na Cabreira Baixa en Pombriego (Benuza, León), nos meses de primavera e verán sobe ós Corrales de Arganeo onde vive nunha cabana co seu rebaño e recupera un xeito de vida case extinto na montaña. Recuperou o entroido, fundou un grupo folclórico, escribe poesía, recolle tradicións antigas e cantigas que el mesmo interpreta de forma maxistral, en resumo, un rapaz que pon no mapa a zona da cabreira baixa, e desenvolve un papel fundamental no mundo rural no que vive. Amosando un enorme amor polos animais, a natureza e vivindo sempre co recordo dos seus avós. Unha historia contada por un rapaz feliz, cunha mirada limpa cara o futuro, un raio de esperanza..
A curtametraxe tamén estivo seleccionada no Fescilmar (Arxentina), no
Fimmer (Manzanares el Real, Madrid) vense de proxectar este venres, e acaba de ser seleccionada en CortoGijón.
