As 17:00 da tarde do venres 14 de setembro rexistrouse un incendio nunha cociña dunha vivenda sita no número 4 da rúa Real da cidade do Cabe.

Foron os veciños os que chamaron ó 112 alertados tras ver como saía unha intensa fumareda por unha fiestra do piso.

Tras a chamada, os bombeiros de Monforte, persoal sanitario do 061, efectivos da Policía Local e Protección Civil acudiron ó lugar dos feitos onde constataron que o fume era provocado por unha pota que quedara esquecida ao lume.

Tras este suceso, unha persoa foi atendida no lugar dos feitos polos servizos de emerxencias.