O Ciclo de Cinema Mestre Mateo leva este sábado a Chantada a peza ‘A Virxe Rosa’, Premio ao mellor documental na última edición dos premios que lle dan nome a esta programación da Academia Galega do Audiovisual. 

A sesión, que rematará cun coloquio e contará coa presenza do seu director, Marcos Nine, será de balde. O filme “A Virxe Roxa” céntrase nun feito que conmocionou a España dos anos 30, ás portas da Guerra Civil, cando Aurora RodrÍguez Carballeira acaba coa vida da súa propia filla de 18 anos. A rapaza Hildegart Rodríguez era unha nena prodixio do pensamento, intelectual e pioneira do feminismo en España.  

O Ciclo Mestre Mateo continuará mensualmente coa exhibición dos filmes premiados na última edición destes premios. Está impulsado pola Academia Galega do Audiovisual e a Área de Cultura da Vicepresidencia da Deputación de Lugo e conta coa colaboración do Concello de Chantada e o colectivo Airoá Comunicación.