Xa está aberta ó tráfico de vehículos a zona do Campo de San Antonio, logo de que estean practicamente rematadas as obras de mellora que se acometeron no firme desde a entrada da estrada de Ourense ata a entrada da rúa Chantada.

Víronse afectadas por estas obras de mellora a rúa Ourense, desde o seu entronque con rúa Chantada ata praza Campo de San Antonio; a Praza Campo de San Antonio, no seu vial norte; a rúa Teceláns, desde o seu entronque con rúa Chantada ata Praza Campo de San Antonio (Norte); e a rúa Abeledos, desde o praza Campo de San Antonio ata o entronque en abanico con Rúa Poeta Manuel María e Rúa O Saviñao.

As actuacións de mellora abrangueron uns 200 metros lineais entre ambas vías, nunha superficie total de 685 m², e o Concello destinou un orzamento de 11.234,18€ (ive engadido) para a execución das mesmas.