O Concello de Folgoso de Courel promociónase na Semana Verde de Galicia. A técnica municipal de turismo, Ana Marta Arza, atende aos visitantes. Xunto con outros compañeiros, facilita información e entrega diverso material turístico para que toda a xente que visite Silleda estes días se achegue ao Concello e coñeza o Xeoparque Montañas do Courel.
E o concello retoma o programa “Coidados Porta a Porta“, que xa tivo unha fase experimental en 2019 na que participaron 20 concellos. O programa consiste na habilitacións de oito autobuses que se encargan de percorrer as zonais rurais para ofrecer os coidados médicos de proximidade a persoas maiores de 55 anos.
Trátase dun servizo formado por unidades móbiles nas que os maiores de 55 anos acceden gratuitamente a servizos de audioloxía, podoloxía e estimulación da memoria para aquelas persoas que residen en zonas rurais e non teñen facilidades de acceso a este tipo de prestacións. Os recursos que ofrecen as unidades móbiles van rotando polos diferentes concellos de Galicia con estadías de varios días en cada un deles.
