HomeDeportesHomenaxe de Monforte ós atletas do Neka polos éxitos no Campionato do...

Homenaxe de Monforte ós atletas do Neka polos éxitos no Campionato do Mundo

O Salón de Plenos da Casa do Concello acollía a homenaxe ós oito deportistas do Club Taekwondo Neka, polos excelentes resultados que acadaron no Campionato do Mundo de Taekwondo que se celebrou en Goyang (Corea do Sur) entre o 21 e o 24 de abril de 2022.

Publicado o

POR
Redacción
- Advertisement -

No acto de recoñecemento, o Alcalde estivo acompañado polos 8 deportistas homenaxeados, o Concelleiro de Deportes, José Manuel Mougán, así como familiares e representantes do Club Neka.

Os resultados conseguidos no Campionato do Mundo de Taekwondo polos deportistas do Neka en Corea do Sur son os seguintes:

  • Laura Álvarez Suárez: 3ª clasificada en modalidade parellas (medalla de bronce).
  • Daniel Arel Grejs:
    • 3º clasificado en modalidade parellas (medalla de bronce)
    • 5 clasificado en modalidade de trío.
  • Marco García Martínez: 5º clasificado en modalidade de trío.
  • Aitor Teijeiro Elidio: 6º clasificado en modalidade de parellas.
  • Lucía Roca Rodríguez: 6ª clasificada en modalidade de parellas.
  • Karla Novo Taboada: 9ª clasificada en modalidade trío
  • Carlos Rey Cuadrado: participación en 1ª ronda (modalidade trío)
  • Alejandro Losada Rodríguez: participación en 1ª ronda (modalidade trío)

O Alcalde, en nome de todos os monfortinos, felicitou aos deportistas asistentes e agradeceu os éxitos acadados, “pois serven para que Monforte estea moi ben representado na elite do deporte español, europeo e mundial”.

Dende o Equipo de Goberno analizan establecer unha liña de subvencións destinadas a Clubs Deportivos do Concello de Monforte que participen en Campionatos oficiais de España, de Europa e/ou do mundo. “Esta liña de axudas será independente da subvención nominativa que cada club teña asignada, e o obxectivo da mesma e contribuír a sufragar os gastos que lle supón a un club deportivo clasificarse para unha competición fora da Comunidade Autónoma e incluso fora de España e de Europa”, explicou o rexedor monfortino.

ÚLTIMAS

‘Gorilas!!!’ o novo xogo de cartas de Muki, veciña da Pobra do Brollón

Tralo éxito de Cordadas, o primeiro xogo de cartas en galego creado por María...

Mercado de oportunidades en Monforte para pechar a tempada de inverno

Baixo o título "As Oportunidades de Inverno do Centro Comercial Urbano (CCU) de Monforte" vólvese celebrar...

O cartel “O Curso do Viño” anunciará a XLIII Feira do Viño de Quiroga

A pesar de non residir en Quiroga, a autora si visita habitualmente Os Anguieiros -...

O PP de Monforte denuncia que seguen os cortes de abastecemento por roturas na rede

A voceira popular, Katy Varela, explica que hai uns días que se realizaron as...