HomeSucesosUnha traballadora do Servizo no Fogar denuncia ao alcalde de Láncara por...

Unha traballadora do Servizo no Fogar denuncia ao alcalde de Láncara por acoso

O socialista Darío Piñeiro nega as acusacións.

Publicado o

- Advertisement -

Unha traballadora do Servizo no Fogar de Láncara denunciou ao alcalde do municipio, o socialista Darío Piñeiro, por acoso; algo que el negou nun comunicado.

Os feitos terían lugar o mes pasado, cando a muller colleu unha baixa laboral. A partir dese momento, denuncia, o alcalde e ou outros empregados municipais comezaron a seguila, mesmo ao Ceip da Pobra de San Xiao, onde colabora co servizo de comedor.

O alcalde refírese no seu comunicado a este suceso concreto, sobre o que asegura que dada a situación de baixa da muller dun servizo que “se sufraga con fondos públicos”, “tratou de pescudar, como é a súa responsabilidade, se esta irregularidade estaba a producirse”.

“Por este motivo acudiu con dous empregados municipais ao centro educativo, onde se dirixiu ao director do colexio para preguntarlle pola situación“. Posto que, relata, o director informoulle de que a muller estivera alí en días anteriores, trasladou a situación á empresa adxudicataria do SAF.

“A isto limítase exclusivamente a actuación do Alcalde nun asunto, polo que manifesta total tranquilidade, convencido de que en todo momento cumpriu coa súa obrigación como responsable municipal e tendo en conta ademais que nin coñece a esta persoa“, explican.

Con todo, estes son os feitos polos que a muller denunciou ao rexedor e polos que tivo que prestar declaración ante a Garda Civil, á que mostra “a súa plena disposición a colaborar”. Tamén, de ser o caso, coas autoridades xudiciais.

ÚLTIMAS

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...

Presentación literaria e exposición de pintura na Casa da Cultura de Chantada

Yolanda Álvarez é escritora, poetisa e profesora de baile e preséntase principalmente como “nai de...

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...