O vindeiro mes de xullo o Concello de Carballedo organizará un concurso de tapas con oito establecementos participantes. Os días 1, 2 e 3 participarán Os Roxos e O Galleiro (Tolda); os días 8, 9 e 10, O Xugo (Peares) e O Ribeiro (Castro) e os días 15, 16 e 17 participarán Luscofusco, Acuario, Berello e Calviño (A Barrela-Estivada).

As tapas estarán dispoñibles os venres e sábados desde as 19:00 e os domingos desde as 12:00 e desde as 18:00.

Desde o concello amósanse satifeitos da “gran acollida de participación e invitamos a tod@s @s veciñ@s deste concello e de concellos cercanos a vir degustar e gozar da festa que levaremos a cabo nestas tres fins de semana no noso concello.” Ademais de gastronomía as tardes do sábado estarán amenizadas pola Big Band Charanga!.