A cantarela é unha das especies máis representativas e frecuentes da biodiversidade fúnxica asociada aos soutos de castiñeiro, representando un potencial recurso e aproveitamento engadido a estes espazos emblemáticos de gran valor ecolóxico, cultural e económico na comarca de Courel e outros territorios de montaña.
A “III festa da cantarela” retoma anteriores edicións nun acto festivo de exaltación deste produto, do seu valor, calidade e posibilidades gastronómicas e comerciais, pero tamén da riqueza e beleza dos espazos naturais da comarca na que se atopa este cogomelo excepcional.
A Festa da Cantarela pretende poñer en valor e dar a coñecer un recurso e
aproveitamento asociado ao territorio, as súas características e múltiples posibilidades; ademais de promocionar, a través dun acto festivo turístico, o coñecemento da comarca e os seus valores naturais e culturais.
Programa do 9 de xullo en Paderne do Courel
- 10:30. Ruta guiada por itinerarios naturais da contorna. Saída dende o centro de Paderne (aira do Quintairo).
- 13:00 – 13:30 h. Inauguración da Festa.
- 13:30 h. Degustación popular de tapas elaboradas con cantarelas, preparadas nas casas rurais do lugar e coa colaboración do cociñeiro Héctor López do restaurante España de Lugo.
- 16:00 – 17:00 h. Representación de instrumentos de música de raíz con Xavier Blanco. Presentación da Fundación Legar para a preservación da música de raíz.
- 17:00 h. Paseo ao alvar rehabilitado do Val Maior.
A Festa estará amenizada con música popular a cargo da “Foliada de
Bosende”
