Na cita participaron representantes de Mayorga (Valladolid), Jarandilla de la Vera (Cáceres), Nava del Rey (Valladolid), Casarabonela (Málaga), San Esteban del Valle (Ávila), Zalamea la Real (Huelva), Castro Caldelas (Ourense), Vilelos (O Saviñao) e Castelo (Taboada).
O III Encontro Nacional das Festas Tradicionais con Lume comezaba cunha conferencia inaugural baixo o título A tradición como reclamo turístico. Catalogación das festas tradicionais, a cargo do antropólogo, José Manuel Rodríguez. Ao mediodía lugar a mesa redonda Festas tradicionais con lume. Salvagarda e futuro, que contou coa participación de representantes das diferentes celebracións no territorio nacional.
Despois do xantar, houbo unha representación do Folión de Carros e Entroido Ribeirao, unha proxección audiovisual das festas participantes, a recreación das festas tradicionais con lume e, á media noite, un concerto do grupo folk Os D’Abaixo. A Casa-Escola de Castelo acolle a exposición Festas tradicionais con lume da Península Ibérica.
A terceira edición desta iniciativa serviu como antesala da tradicional Queima das Fachas que se celebrará o 7 de setembro.
