Por primeira vez, o certame ‘Danza no Camiño’ chega a tres cidades galegas do Camiño de Santiago: Sarria, Portomarín e Santiago. Esta iniciativa celébrase no marco do 21º Festival Internacional de Coreografía Burgos & Nova York. Son tres espectáculos que teñen en común a súa particular forma de vincular a danza contemporánea, as novas linguaxes coreográficos urbanos e a monumental arquitectura do Camiño de Santiago.
OS TRES ESPECTÁCULOS
‘Dystopian’, da formación italo-española afincada en Alemaña, Frantics Dance Company; ‘Simposio’, dos italianos Bellanda Company; e ‘Estancia paisaxe’, unha creación conxunta Esther Latorre e Hugo Pereira, compoñentes de Cía. Colectivo Glovo (galega), e os intérpretes Fran Martínez e Paula Quintas.
Estes tres traballos poderán optar a un total de 21.000 euros en galardóns. Cada un dos tres coreógrafos seleccionados para a súa participación no Certame recibirá 3.000 euros e o gañador que designe o xurado popular, formado polo público asistente ata completar 20 persoas, en cada unha das doce representacións, recibirá 1.000 euros adicionais.
