O Concello de Monforte colaborará cos emprendedores que participen no programa “El Camino Creativo-Xacobeo 2022 Emprende!”, a segunda edición unha iniciativa impulsada dende a Red de Ciudades y Territorios Creativos de España (RECITCREA) e da que o Concello é membro.
Na edición deste ano o Concello acolleu dúas actividades a principios do mes de xullo, dirixidas especialmente ós emprendedores que están a participar neste Camiño Creativo, que deu comezo o pasado 7 de xullo, e que tamén están abertas a participación da cidadanía en xeral.
Este xoves, 4 xullo, a partir das 21:30h terá lugar na praza Campo de San Antonio, a recuperación da proxección da película VALENTINA, que foi galardoada coma Mellor Película de Animación nos premios Goya 2022. A entrada é aberta e gratuíta para toda a poboación. Este cine de verán incluirá o seguinte programa:
- 21:30 h.- Presentación da película pola súa directora, Chelo Loureiro.
- 21:45 h.- Proxección do corto “La Chica de la Ventana”, dirixido por Javier Saco e gravado en Monforte.
- 22:00 h.- Proxección de VALENTINA.
- 23:10 h.- Coloquio aberto con Chelo Loureiro.
