O Concello de Sober adianta que as artistas galegas Pili Pampín e Lucía Pérez serán as grandes protagonistas das Festas do Carme deste ano. Ademais das súas respectivas actuacións estarán moitos outros grupos e formacións, así como a Banda de Música de Sober.

Como adianto á programación completa e ao detalle, dicir que estará presente o grupo local Os Parentes o venres 16 ás 22:30 horas na Praza do Toural; que o concerto de Lucía Pérez será o sábado ás 22:00 horas na Praza do Concello e que a actuación de Pili Pampín terá lugar o domingo 18 ás 23:00 horas. A Banda de Música de Sober actuará tam´én o domingo, en concerto e acompañando á procesión.