O Alcalde de Monforte, José Tomé Roca, acompañado pola 1ª Tenente de Alcalde, Gloria Prada, e o Concelleiro de Obras, Medio Rural e Servizos, José Luís Losada, deu a coñecer este luns, 5 novos proxectos de mellora en rúas urbanas do Concello de Monforte, “que supón a continuación do noso programa de melloras que, sen dúbida, van a dar continuidade ó noso obxectivo de dotar con mellores servizos e mellores infraestruturas ó noso Concello, en definitiva, ós nosos veciños e veciñas”.

No caso da rúa Echegaray ademais da renovación do seu pavimento, será dotada con novas prazas de estacionamento, o Concello destina a esta actuación un orzamento de 51.641,55 euros. 51.637,95€ destínanse á rúa Doutor López Suárez para mellorar o firme. Na rúa Manuel María, haberá unha novidade na sinalización que suporá a modificación do tráfico, dado que, para facilitar a circulación, non se poderá estacionar pola marxe dereita entre o comercio dos chinos ata a gasolineira, para que poida haber dobre sentido de circulación. Para esta actuación, o Concello destina un orzamento de 48.609,11 euros. Para a mellora dos firmes das rúas Saviñao e Pascual Veiga adica repectivamente, 13.513,37 e 11.662,11 €.