Segundo os datos provisionais cos que traballa o Consorcio de Turismo da Ribeira Sacra a porcentaxe de ocupación dividiríase do seguinte xeito:
- Hoteis 3 e 4 estrelas: 90% (87% en 2021)
- Turismo Rural: 97% (81,64% en 2021)
- Vivendas Turísticas e de Uso Turístico: 86% (83,50% en 2021)
- Outros aloxamentos: 75% (79,4% en 2021)
“Ademais do pulo de Ribeira Sacra como destino, iniciativas como o Outono Gastronómico ou o Bono Turístico están a ser unha importante inxección para os establecementos de turismo rural nesta época do ano”, sinalan.
No mes de outubro, os aloxamentos de Ribeira Sacra rematan cun 67,5% de ocupación:
- Hoteis 3 e 4 estrelas: 92% (80% en 2021)
- Turismo Rural: 67% (= en 2021)
- Vivendas Turísticas e de Uso Turístico: 50% (61% en 2021)
- Outros aloxamentos: 61% (63% en 2021)
Contra todo prognóstico, a ocupación neste mes de oubro durante os días laborais foi moi semellante á das fins de semana, cun 63% entre semana e 76% nas fins de semana.
As previsións do sector para o mes de novembro sitúanse nos niveis acadados no 2021 e 2019 (ano récord para Ribeira Sacra), cunha previsión de ocupación do 52,5%, cun 32% durante a semana e 74% nas fins de semana.
