O autor do libro, o profesor Ángel Fernández López, natural de Paradela, concello do que é Fillo Predilecto, é tamén o responsable dos libros “El Monasterio cisterciense de Santa María De Castro De Rey”, “Paradela no tempo e vínculos con Portomarín”, e “Portomarín, anacos da súa historia”.
Os mosterios protagonistas deste novo libro son verdairas xoias da arquitectura no territorio da Ribeira Sacra. O conxunto de San Facundo de Ribas de Miño, formado polo templo parroquial e a casa reitoral, foi delclarado Monumento de Interese Nacional no 1982. O mosteiro de Santa María de Castro de Rei de Lemos fundouse no século XII, sendo inicialmente un mosteiro benedictino. Conserva restos de pinturas do século XV e comezos do XVI. Como curiosidade, na súa cruz parroquial ten una valiosa xoia de prata dun metro de lonxitude que data do 1730.
A publicación que se presenta este mércores está patrocinada polo Concello de Paradela, a Deputación de Lugo e a Xunta de Galicia. A presentación do libro correrá por conta do xornalista Xulio Xiz e participarán os representantes das institucións copatrocinadoras: Sonsoles López Izquierdo, Deputada, pola Deputación Provincial de Lugo; Valentín García Gómez, Secretario Xeral de Política Lingüística, pola Xunta de Galicia, e José Manuel Mato Díaz, Alcalde do Concello de Paradela.
