HomePolíticaQuiroga sobe o recibo trimestral de lixo, auga e rede de sumidoiros

Quiroga sobe o recibo trimestral de lixo, auga e rede de sumidoiros

A Corporación Municipal de Quiroga celebraba este venres sesión plenaria extraordinaria na que se aprobaba cos votos a favor do Partido Popular e os votos en contra do BNG e do PSdeG a proposta da Alcaldía para a modificación das ordenanzas fiscais reguladoras das taxas polos servizos de: recollida, tratamento e eliminación de lixo-ecotaxa; abastecemento de auga e rede de sumidoiros.

Publicado o

POR
Redacción
- Advertisement -

A subida destas tres taxas que se pagan conxuntamente no recibo trimestral do Concello do Quiroga será algo superior ao 9%, que aplicado a un recibo dunha familia media de catro membros suporá unha subida trimestral de pouco máis de 3 €. Como matizou o alcalde, Julio Álvarez,  o que os veciños terán que desembolsar “será sobre un euro máis ao mes, que desglosado sería un incremento da ecotaxa de 0´42€, da auga de 0´20€, 0´18€ de incremento no lixo e de 0´002€ de incremento na rede de sumidoiros.” No recibo da auga tamén vai incluída a taxa do Canon, que non se incrementa.

Xosé Manuel Fernández (BNG) argumentou o seu sentido do voto por ser este un mal momento para a subida de impostos e máis esta que lle parece unha suba moi elevada, suxerindo ademais a busca dalgunha partida nos orzamentos do vindeiro ano para compensar outras subidas. Pola súa banda Vicente Parra (PSdeG) dixo estar a favor sempre que se melloren os servizos, algo para o que están os impostos que hai que equilibralos e subilos a medida que sobe o custo da vida, pero o seu voto en contra quedou argumentado pola falta de equilibrio “demostren que se pode mellorar e a partir de aí suban os impostos”.

O alcalde Julio Álvarez (PP), supeditou este incremento á gran subida da luz e dos carburantes. “Nos tres meses do verán”, recalcou, “o gasto en luz para o bombeo da auga supúxolle a co concello 12.000 € máis e o gasoil 19.000 €. Para que os veciños se fagan unha idea o bombeo da auga costoulle ás arcas municipais 31.000 € e o esforzo que se lles pide é o incremento dun euro mensual de media (dependendo do consumo).”

ÚLTIMAS

O BNG denuncia que o PP incumpre a lei ao non dotar de médico o servizo de HADO do Hospital de Monforte

O BNG explica que esta categoría regulouse co Decreto 34/2021, pero en Monforte a...

Nova concentración na N-540 para esixir do Goberno Central o seu arranxo inmediato

O Grupo Provincial Popular participou este venres na concentración da N-540, mobilizacións que promove...

A ‘Feira do Viño de Amandi’ xa está aquí

O colofón a un completo programa de actividades do Mes de Amandi no concello...

Preséntase en San Pedro de Bembibre (Taboada) o programa piloto de visitas a igrexas románicas

Desde o 12 de abril ata finais do mes setembro contarase con visitas semanais...