O Círculo Saviñao acolleu a presentación do libro Circular polo Saviñao IV, publicación coa que conmemoran o seu 60 aniversario”. A presentación estivo a cargo de Valentín García, Director Xeral de Política Lingüística; Juan Carlos Armesto, Alcalde do Saviñao; Olga Novo, colaboradora e Premio Nacional de Poesía 2020, que recitou o seu poema ” A matanza dos porcos e a pequena Pitia”; e Enrique Sampil, presidente desta sociedade.
A publicación conta con numerosos e importantes colaboradores e amigos que participan con distintos artigos sobre arte, xentes, historia, etimoloxía, patrimonio… do concello e sobre as peculiaridades que fan especial a Ribeira Sacra e o rural destas terras de Lemos. Por exemplo, colabora en Circular polo Saviñao IV, Román Rodríguez, Conselleiro de Culrura, Educación, FP e Universidades., co artigo, Círculo Saviñao, 60 anos dun referente cultural da Ribeira Sacra.
A portada é do fotógrafo, Javier López Jordán e o deseño gráfico de Dolores
Carretero. Poderase conseguir no Círculo Saviñao e en librerías de Escairón e Monforte de Lemos.
