A Escola de Música Moderna de Monforte de Lemos vén de anunciar esta gran noticia e amosan o seu orgullo por este premio que recoñece o traballo de dous dos seus alumnos, Fran Puch e Paula Díaz.

En palabras do seu director, Gonzalo Herrero, “isto non sería posible sen o traballo de todo o equipo da escola, pero nesta ocasión queremos facer unha mención especial aos seus profesores Lorena e Jesús”.

Gonzalo, aproveitando esta nova, agradece o labor e a iniciativa do Concurso RSL España (GBD) –Guitarra, Baixo, Batería– a Rockschool España, e a oportunidade que lle presentaron á escola para participar nel.

Aquí o vídeo no que o CEO da RSL-Rockscholl Ltd. España, Tim Bennett, felicita aos gañadores dende a central en Londres.

Aquí o vídeo coa interpretación do tema polo que premiaron a Fran Puch e Paula Díaz: “Nothing Else Matters de Metallica”.