A campaña ‘Composta os teus residuos’ está ideada para a participación de 25 vivendas pertencentes preferentemente á zona rural, sendo a condición indispensable posuír un espazo de horta e/ou xardín no que colocar un composteiro.
Este martes recibiron información totalmente gratuíta na Fonte do Lunar para promover a reciclaxe de residuos orgánicos. Explicáronlles aos participantes na campaña o que precisan para facer compostaxe, o proceso, que residuos se poden compostar e cales non e os aspectos que condicionan o proceso da compostaxe. Tamén lles ensinaron cando está listo o compost e os seus usos e beneficios.
Esta iniciativa desenvólvese polo Concello de Triacastela en colaboración coa Consellería de Medio Ambiente, Territorio e Vivenda da Xunta de Galicia -no marco do Plan de recuperación, transformación e resiliencia, financiado pola Unión Europea-NextGenerationEU-, e complementa a outras iniciativas desta índole promovidas polo ente municipal.
Compostaxe Triacastela / concello de Triacastela
