O sarriao Julio Páramo López ten un interesante proxecto para Sarria: facer realidade o “Museo Paixón Motor Slot” co obxectivo de divulgar de xeito didáctico a historia do automóbil de competición, tanto na vertente deportiva como na tecnolóxica.
Froito desta idea estes días e ata o 26 de febreiro de 2023 o Museo Interactivo da Historia de Lugo, sito no Parque da Milagrosa, conta cunha exposición organizada polo propio Julio como avance do que pode ser o futuro museo. A devandita mostra ‘piloto’ conta coa colaboración e apoio do Concello de Sarria.
CONFERENCIA SOBRE O COCHE ELÉCTRICO
Ademais, o día 29 ás 20:00 h., no mesmo Museo Interactivo da Historia de Lugo haberá unha interesante conferencia que, baixo o título “Presente e Futuro do coche eléctrico”, ofrecerá o tamén sarriao José Luis Portela.
