O Instituto de Estudos do Territorio, dependente da Consellería de Medio Ambiente, Territorio e Vivenda, vén de publicar a convocatoria e bases dunha nova edición das axudas dirixidas a concellos para combater o feismo nas infraestruturas de titularidade municipal.
O Grupo Municipal do PSdeG-PSOE do Incio insta ao goberno local a que solicite unha axuda ao abeiro desta liña de subvencións para a rehabilitación e posta en valor do Teleclub ubicado no centro da parroquia de Reboiro, á beira da igrexa. Consideran “que é de interese armonizar as edificacións públicas cos bens de interese cultural, como é o caso da igrexa, o que redundará nunha mellora estética do entorno.”
A referida axuda pode acadar o 70% das actuacións ata un límite de 20.000€, desde o PSOE consideran que unha vez rehabilitada esta edificación podería poñerse a disposición da veciñanza para o seu uso e disfrute
