A actividade, que pretende servir de apoio á candidatura Courel Mountains Unesco Global Geopark Project, está dentro da liña de actuacións do programa Leader sobre a  promoción e difusión dos recursos do territorio, neste caso centrada no Glaciarismo nas Montañas do Courel.

O aforo, limitado a 50 persoas completouse na súa totalidade, o que amosa, segundo a organización, o interese da poboación en profundizar no coñecemento dos recursos naturais e singulares cos que conta o territorio Ribeira Sacra Courel.

O programa recolle ás 20.00 h. unha conferencia de Marc Oliva do departamento de xeografía da Universidade de Barcelona  sobre Serra Nevada, como os glaciares máis meridionais de Europa. Ás 21.00 h. presentarase “Glaciarismo e periglaciarismo das montañas do Courel” de Augusto Pérez Alberti, profesor Ad honorem da USC. A publicación correu por conta do GDR Ribeira Sacra Courel. O sábado 20 completaranse as xornadas cunha saída de campo para visitar as zonas glaciares das montañas protagonistas.