A Facultade de Bioloxía da USC acolleu a clausura da fase galega da XVIII Olimpiada Española de Bioloxía, un encontro convocado pola Asociación Olimpíada Española de Bioloxía (OEB) e o Colexio de Oficial de Biólogos de Galicia (COBGA) que conta colaboración das tres universidades públicas galegas, da Consellería de Cultura, Educación, Formación Profesional e Universidades, a Dirección do Grupo de Traballo de Bioloxía da ABAU (CiUG) e a Inspección de Educación da Xunta de Galicia.
Da cita participou o alumno do IES A Pinguela, Gabriel Losada Torres, de 2º de Bacharelato Ciencias, un dos 100 alumnos dos centros de Galicia que se clasificaron para a fase final. Gabriel conseguiu o primeiro premio, o que lle permitirá representar á comunidade galega na Olimpiada Española que se celebrará en Barcelona a finais de marzo.
“Felicitámolo polo éxito, e tamén ós seus profesores de Bioloxía de Bacharelato, Mónica e Pablo, polo bo traballo realizado!”, sinalan desde o centro.
