O grupo ofrecerá unha actuación de dúas horas de duración cun repertorio centrado en grandes éxitos dos anos 60, 70 e 80, desde Elvis Presley, os Beatles ou Los Bravos ata Loquillo, Mecano e Siniestro Total pasando por Nino Bravo ou Raffaela Carrá, entre moitos outros.

O protagonista indiscutible deste luns na Pobra é o Oso de Salcedo, o personaxe tradicional do entroido característico da aldea, que desde as 17.00 horas percorrerá as rúas acompañado polos seus criados perseguindo a veciños e visitantes para tinguilos con cinza.

A xornada rematará cunha cea popular e actuacións musicais desde as 00.00 horas do martes, nas que tamén participarán a orquestra Trébol e DJ Luismi.