A duración do contrato será de dous anos, sendo prorrogados por períodos anuais se algunha das partes non o rescinde voluntariamente, previo aviso con tres meses de antelación ó vencemento, entendendo que, de non producirse dita denuncia, a renovación tácita do contrato opera por períodos anuais de data a data (O último arrendatario do servicio de ambigú foino durante os últimos 7 anos e o anterior durante 17).

Os beneficios, gastos e ingresos derivados da explotación do servizo ambigú son íntegramente do arrendatario, que deberá proceder á atención da sociedade en todos os seus locais e terrazas e colaborar no desenvolvemento das actividades culturais e recreativas do Círculo Saviñao.

A xunta directiva ponse á disposición dos interesados en requirir información das condicións do contrato de arrendamento do servicio de ambigú e aclarar as posibles dúbidas que puidesen existir sobre o mesmo.