Desde Femforte aseguran que cada ano contan con máis apoios na conmmemoración do 8M e destacan a implicación doutras entidades de Monforte, “porque neste camiño que ten por meta a igualdade, o noso sentir é que temos que participar todas e todos. As nosas propostas foron moi ben recibidas e agradecemos a boa disposición que nos atopamos”, aseguran.
Así comezan o domingo, 5 de marzo, ás 17:00h cunha andaina cara o 8M que sairá da Praza de España e rematará na Praza da Compañía. Ten unha duración de 1 hora. Esta actividade realízase coa colaboración de varios comercios monfortinos, que doan agasallos para quen participe.
Para o mércores 8 de marzo, Día Internacional da Muller, contarase a partir das 20:00h cunha actuación de Paula Díaz e Fran Puch da Escola de Música Moderna, na Praza de España. En caso de choiva, trasladarasee ao Salón de Actos da Casa da Cultura.
Posteriormente, ás 20:30 horas, lerase o manifesto e pecharase o acto con micro aberto para aquelas mulleres que queiran participar.
