A mostra fotográfica do Concello de Sober ‘Inmarcesibles’, sobre a beleza real feminina, vén de ser premiada polo Colexio Oficial de Traballo Social no seu concurso de ‘boas prácticas’ dirixido aos e ás traballadoras sociais colexiadas.
As traballadoras sociais do Concello de Sober Ana de la Torre e Patrica González foron as encargadas de recibir en Santiago o diploma e o cheque outorgados no transcurso dunha gala na que se celebraba o 40 aniversario do Colexio de Traballadores Sociais de Galicia.
INMARCESIBLES
Inmarcesibles invita a reflexionar sobre a exclusión invisible que experimenta o sexo feminino cando falamos do seu físico. Exclusión porque nos ensinan que o corpo da muller debe ser o máis parecido posible ao canon de beleza establecido, loitando para conseguir encaixar neses parámetros e rexeitando se non o logran; e invisible porque dita ensinanza non se transmite de forma directa, pois é silenciosa e sutil, maquillándose baixo a premisa de que a muller debe ser libre e ha de estar preocupada por unha axeitada saúde física e mental.
O Concello de Sober contou coa participación libre e desinteresada de diversas mulleres que quixeron mostrarse tal e como son, defendendo todo tipo de corpos femininos e reivindicando a súa aceptación.
Tal é a repercusión desta iniciativa que a mostra convertiuse en itinerante e pasou xa por unha varios concellos da contorna e alén dela dende a súa presentación en xuño do 2022.
Ana de la Torre, unha das traballadoras sociais, falou tamén para Xornal de Lemos contando a súa experiencia.
