A agrupación socialista de Chantada presenta a súa candidatura ás eleccións municipais nun acto público aberto a toda a veciñanza. Contarase coas intervencións do candidato á alcaldía, Mariano López Nieves, o presidente da Deputación Provincial, José Tomé Roca, a deputada Pilar García Porto e membros da candidatura.

Aseguran os socialistas que con este acto de presentación “dan comezo de xeito oficial á carreira cara os comicios do 28 de maio nos que agardamos ter o respaldo necesario para acceder á alcaldía. Levamos meses traballando e o venres daremos a coñecer o equipo humano que acompañará o compañeiro Mariano neste proxecto que, agardamos, materialice a ilusión polo cambio que se percibe en Chantada.”