O líder dos socialistas na provincia destacou que a candidata conta con todas as condicións que necesita unha boa alcaldesa, “experiencia na xestión municipal, preparación e capacidade de traballo. Coñece moi ben O Incio, ós seus veciños e as súas necesidades”. José Tomé asegurou que Laura Celeiro “foi unha gran alcaldesa para o Incio e despois do 28 de maio volverá a selo”. Lembrou que os investimentos da Deputación no Incio ó longo deste mandato ascenderon a máis dun millón e medio de euros.
A candidata socialista remarcou que se presenta á alcaldía “para devolver á veciñanza o protagonismo que lle corresponde na vida política do Inicio.” Sobre a candidatura que encabeza explicou que “hai tres mulleres no primeiro tramo dos postos de saída, a lista sae reforzada e renovada con cinco novas incorporacións, ás que hai que engadir sete persoas máis, en relación á pasada convocatoria municipal”. Lembrou e agradeceu o traballo que realizaron os seus compañeiros socialistas na Corporación, Manuel Pombo Vila e José Carlos Pereiro Vázquez.
“Debemos cambiar de rumbo e mellorar as nosas dotacións públicas, impulsar o turismo e apoiar a creación de emprego na nosa vila, e vamos a loitar por elo con todo o noso empeño”, subliñou Laura Celeiro. “Presentámonos cun proxecto ilusionante para resolver os problemas reais da veciñanza fronte á parálise na que ten sumido ó Concello o actual equipo de goberno do PP”, indicou.
A candidatura socialista do Incio está composta por:
- Laura Celeiro García
- José Amador Rodríguez López
- Iria López Rodríguez
- Darío Rodríguez Rodríguez
- Iria Pereiro Arias
- Miguel Ángel Moscoso Mao
- Antonio López Fernández
- Juan Manuel Pérez López
- José Fernández Mera
