O alcalde do Concello de Monforte, José Tomé, vén de ofrecer unha rolda de prensa para anunciar os concertos das Festas Patronais que empezarán o día 11 e rematarán o día 16 de agosto. Serán 6 concertos principais acompañados de orquestras que farán un previo e o peche das actuacións.
Lucía Pérez, Mikel Erentxun, Antonio José, Luz Casal, Tanxugueiras, Tekila, Gin Toni’s, América de Vigo e os grupos monfortinos Malenne e Deloreans son as actuacións contratadas para as festas de verán deste ano 2023.
As orquestras Panorama, Galilea e Ritmo Joven, completarán o cartel de actuacións musicais.
“Os concertos programados responden ao formato de Festas que se veñen facendo nos últimos anos, centradas en buscar variedade artística para dar satisfacción a públicos moi diferentes”, comentou Tomé Roca.
O custe do conxunto das devanditas actuacións musicais, tanto de concertos como de orquestras, ascende a 317.625 €.
As actuacións ao detalle con datas e horarios poden consultarse na páxina web do Concello de Monforte.
