HomeDeportesPromoción de estilos de vida saudable no CEIP Plurilingüe de Monforte

Promoción de estilos de vida saudable no CEIP Plurilingüe de Monforte

O CEIP Plurilingüe de Monforte realizou a pasada semana diferentes actividades relacionadas co Proxecto de Vida Activa e Saudable.

Publicado o

POR
Redacción
- Advertisement -

O venres 2 de xuño, un grupo de 25 alumnos/as do Colexio Novo participou nunha actividade de piragüismo en colaboración co club Quixós de Monforte. A actividade práctica desta ocasión foi o complemento a unha sesión teórica que tivo lugar a semana previa no propio centro e que impartiu o seu director deportivo. Díaz explicou os aspectos máis importantes deste deporte e deu a coñecer o club.

Realizando a actividade de piragüismo. Foto: CEIP Plurilingüe de Monforte.

Ademais da sesión de piragüismo, días atrás un grupo de 5º de Primaria estivo no rocódromo de Lugo para realizar unha actividade de iniciación á escalada.

A participación do centro educativo neste tipo de actividades intégrase dentro do programa Xogade, programa convocado pola Secretaría Xeral para o Deporte co obxectivo de fomentar e estender a práctica deportiva a toda a poboación escolar. O CEIP leva 4 anos participando neste programa.

OUTRAS ACTIVIDADES DENTRO DE XOGADE NO CURSO 2022-2023

O centro monfortino realizou campo a través, competiu nunha proba escolar de voleibol proclamándose campión provincial na categoría alevín mixto, e tamén no programa “Pequevolei” organizado pola Real Federación de voleibol.

Cómpre sinalar tamén a súa participación na aplicación das probas do programa DAFIS, unha ferramenta elaborada ao amparo do Plan Galicia Saudable e que foi seleccionada en 2018 pola oficina europea da OMS como mellor exemplo de boas prácticas en España para a promoción da actividade física no ámbito escolar.

Actividade de Campo a través. Foto: CEIP Plurilingüe de Monforte.

PROXECTO DE VIDA ACTIVA E SAUDABLE

As accións devanditas, segundo explican fontes do CEIP Plurilingüe de Monforte, “están enmarcadas dentro do Proxecto de Vida Activa e Saudable” do centro; programa que consiste en deseñar, executar e avaliar un proxecto relacionado cos hábitos de vida activa e saudable na busca do aumento diario de actividade física que realiza o alumnado, dentro ou fóra do centro”.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...