HomesociedadeMonforte festexa ao San Antonio, as segundas patronais da cidade

Monforte festexa ao San Antonio, as segundas patronais da cidade

Este martes festéxase o día grande das Festas de San Antonio e como é tradición, volvéronse a celebrar os actos das honras ao santo, sendo día festivo en Monforte. A comitiva institucional, encabezada polo Alcalde, José Tomé Roca, así como diversos membros do Equipo de Goberno, partiu da Casa do Concello para asistir, ás 12.30 horas, á misa na honra de San Antonio.

Publicado o

POR
Redacción
- Advertisement -

Tras a celebración eucarística, tal e como marca a tradición, tivo lugar unha procesión coa imaxe polas rúas próximas á igrexa na que os devotos lanzaron pétalos de rosas á imaxe do Santo. A continuación procedeuse á degustación dun viño da Ribeira Sacra e un aperitivo organizado pola comisión de Festas e xa só quedaba mercar as roscas benditas.

“O San Antonio, que é festivo local no noso Concello xunto co Martes de Pascua, é unha festa que, celebrándose no centro da cidade, no barrio de San Antonio, mantén a esencia dunha festa relixiosa popular que ten moita devoción e moitos participantes. Eu consideroas, como digo sempre, despois das de agosto como as segundas Festas Patronais da cidade ”, manifestou o rexedor monfortino.

“Hai que ter en conta que o día 13 é festivo local e ademáis están ubicadas no centro da cidade e isto, posibilita a participación de todos os veciños de Monforte e tamén dos que nos visitan de fóra da cidade. Vimos de pasar momentos difíciles, e a pesar de recuperar a normalidade xa hai uns meses, creo que todos temos ganas de compartir momentos de alegría coa familia e os amigos, de poder divertirnos todos xuntos, e este tipo de eventos propician moito que o podamos facer”.

Da cita festiva participaron entre outras autoridades, o delegado territorial da Xunta en Lugo.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...