Tristán Téllez, trata no seu primeiro capítulo dunha plataforma de xogo, baseado na novela homónima de Javier Cid, onde o menos importante é a habilidade para xogar, e onde a pretensión é incentivar a lectura, o espírito crítico e de coñecemento de historia, ciencia, filosofía, … A comprensión dos textos é a única ferramenta necesaria para avanzar e alcanzar a meta, todo no marco incomparable do Mosteiro de Santa Cristina de Ribas de Sil.
O concello ourensán de Parada de Sil e a plataforma “Tristán Téllez”, lazan un evento en liña que se desenvolve desde este día 17 ata o 25 de xuño e co que se pode optar a un premio de 5.000€ en metálico e unha estancia de fin de semana no concello de Parada de Sil.
Para participar hai que rexistrarse na web e descargar a aplicación do xogo e comprobar que funciona porque está feito para Windows e cunhas mínimas necesidades de hardware. A aplicación poderá descargarse ata o 25 de xuño ás 22.00h. na web do concello www.paradadesil.es ou na plataforma www.tristantelle. Calquera persoa maior de idade pode xogar e a primeira que sexa capaz de seguir as pistas do xogo e atopar a solución, conseguirá o premio
Parada de Sil atópase adherido desde 2022 á Rede de Destinos Turísticos Intelixentes, mellorando a súa infraestrutura tecnolóxica e asumindo novos retos de comunicación cos diferentes sectores e idades das persoas visitantes. Desde hai 5 anos está impulsando o uso da tecnoloxía e intelixencia artificial para a visita aos recursos turísticos.
