Lembran os profesores do Conservatorio que no ano 2019 o equipo de goberno, presidido por D. José Tomé Roca e sendo Xefa de Persoal, Gloria Prada Rodríguez, cambiaron as condición laborais dos traballadores, aseguran que “sen ningún tipo de negociación previa tal e como esixe toda a lexislación laboral. Todo iso xusto despois de que presentaramos demandas para a defensa dos nosos dereitos laborais, no que pode ser entendido como unha represalia por parte do equipo de goberno contra nós.”
Os docentes explican que comezou todo cando no entroido do 2020, moitos deles negáronse a ir por entender que se estaban a cambiar as súas condición laborais. A raíz disto, o equipo de goberno expedientounos por falta grave, “prescindindo totalmente do procedemento que a lei esixe para levalos a cabo. Feito que tamén foi demandado poe nós estando a espera de xuizo”, afirman os docentes.
Na información na que dan conta da sentenza, os docentes do Conservatorio “Mestre Ibáñez”, que se enfronta a esta situación desde o 2019, rematan agradecendo o apoio recibido polo Comité de Empresa do Concello de Monforte de Lemos.
