Courel Vivo insiste en que que están en contra de que se suba o IBI da rústica, “xa estamos a pagar polas vivendas unha das cotas máis altas que facenda marca aos inmobles na cotorna.” O concello de Folgoso do Courel leva anos sendo un dos concellos nos que máis sobrevaloradas están as casas, “o que afecta directamente á cota anual que as/os veciñas/os pagamos polo Impuesto de Bienes Inmuebles, por ter aplicado un valor catastral moi por encima do valor real de mercado e moi por encima de moitos municipios con unha renda media per cápita moi superior á nosa.”
Lembran que no último mandado fixeron unha Proposta para a revisión á baixa dos Valores Catastrais no concello, que foi votada en contra polo PP. Agora solicitan ao novo equipo de goberno:
- Que faga unha reclamación conxunta para anular esta nova revalorización. O IBI é un imposto municipal.
- Que informe á veciñanza das parcelas afectadas e a orixe das modificacións, “xa que de seguro que xa tiña noticias da suba, antes de que saise publicado”
- Que tramite as queixas que a veciñanza lle transmita e corrixa de oficio o que se vexa mal.
- Que se lle pida unha ampliación do prazo para poder reclamar, xa que a moita xente non lle da tempo de facelo, e as citas para revisalo en catastro estanse dando a unha semana. O prazo agora está aberto ata o 23 de xuño.
