O luns 26 de xuño será unha xornada de portas abertas no Centro de Competencias Dixitais de Renfe en Monforte de Lemos. Con horario de 10,00 a 14,00 horas, a compañía quere que a visita constitúa un achegamento e un paseo distendido polas instalacións, onde os traballadores do CCD ponse a disposición dos cidadáns para dar a coñecer o día a día no Centro.
Segundo trasladou a entidade, os visitantes poderán ser testemuñas da aplicación real para Renfe das tecnoloxías dixitais máis avanzadas da industria utilizadas para levar a cabo operacións de seguridade ferroviaria.
Ademais, coincidindo co fin de curso escolar, preténdese que os mozos de Monforte, xa en idade de empezar a definir o seu futuro profesional, consideren o Centro como unha referencia á hora de optar a un emprego.
Neste sentido, Renfe espera que esta visita permita aos mozos monfortinos coñecer de primeira man que persoas con perfís tecnolóxicos cualificados poden desenvolver a súa traxectoria profesional e proxecto de vida sen saír da localidade.
O Centro de Competencias Dixitais cumpre este mes de xuño o seu primeiro trimestre en funcionamento. A previsión é que, de forma progresiva, continúe crecendo e chegue a contar, entre 2023 e 2025, cun persoal de 35-40 profesionais altamente capacitados e certificados.
Adicionalmente, nun futuro, podería converterse nunha base para a creación e desenvolvemento dun Cluster Empresarial de Ciberseguridade aplicada ao sector ferroviario en Europa.
