A Subdelegación do Goberno na provincia informa de que para as próximas Eleccións Xerais do 23 de xullo, poderán participar nesta cita 337.716 persoas, sendo 7.930 os novos electores e 69.086 os que o poderán facer dende o estranxeiro. A institución destina un orzamento de 555.833 euros aos custos derivados da loxística e a seguridade deste proceso electoral.

Na provincia haberá 533 mesas e cabinas repartidas en 400 colexios electorais. Se terá a disposición da cidadanía 1.066 urnas nas que poderán depositar o seu voto. Así mesmo, imprimíronse cerca de 3,4 millóns de papeletas para o Congreso e 340.000 para o Senado. Estas mesas estarán atendidas por 1.599 membros e por 450 representantes da Administración que se encargarán de verificar a correcta apertura das mesas, resolver incidencias e recoller os datos de participación e do reconto de voto.

Durante o día das eleccións, na Subdelegación de Lugo haberá persoal para solucionar calquera incidencia que poida xurdir en colaboración coa Xunta Electoral. O despregamento de Forzas e Corpos de Seguridade do Estado e Policía Local para o exercicio libre do dereito ao voto contará con 1.088 efectivos.