A área de deportes do  Concello de Quiroga poñía punto final o pasado venres 14 de xullo ao IV Campus de Voleibol de Quiroga que leva o nome da xogadora quiroguesa Carolina Camino.

O campus desenvolveuse dende o pasado luns  10 no pavillón municipal e tamén nas piscinas municipais onde remataba diariamente, e participaron preto de 30 rapaces e rapazas de 6 a 16 anos. Nos días que durou estiveron baixo as ordes de adestradores do Quiroga e do Ribeira Sacra.

Os e as participantes remataron a actividade deportiva cunha merenda nas piscinas municipais e coa entrega por parte do Concelleiro de Deportes, Antonio Marcos Prieto, e do Alcalde de Quiroga, José Luis Rivera, da foto oficial.