Paula Prado asegura que as axudas da Xunta polos incendios do ano pasado na comarca do Courel superan os 3 millóns de euros, “fronte ao ridículo de Sánchez e o seu Goberno, que só trouxo miseria”. Así o valorou Prado nunha recente visita a Folgoso do Courel, acompañada da alcaldesa, Lola Castro, e das candidatas ao Congreso e ao Senado Cristina Abades, María José Gómez e Sara Ruiz.
Durante a visita destacou que na aldea modelo de Moreda, “acaba de implantarse unha granxa en extensivo dedicada á cría de porco celta en ecolóxico, con fin de anticiparse aos lumes forestais mediante o aproveitamento dos terreos.”
“A implicación da Xunta, que cumpriu desde o primeiro día coa palabra dada, contrasta co descaro de Sánchez, que viu a Galicia a facer a foto e despois só puxo trabas e unha infinidade de requisitos para que os afectados se beneficiaran das subvencións do Goberno central”, insitiu a secretaria xeral do PPdeG, que lamentou que en Folgoso só outorgara “unha mísera axuda de 17.000 euros”. Prado tamén trasladou á veciñanza do Courel que, “Yolanda Díaz tamén pasou por Folgoso do Courel a falar do verde que é a súa plataforma, pero nin se lembrou dos damnificados polos incendios”.
