As promesas máis novas do Club Quixós empregráronse a fondo na proba desta mañá en Monforte, 5ª Competición Galega de Promoción de Slalom, e o traballo deu os seus froitos pois 12 medallas quedaron na cidade do Cabe, 11 a nivel individual e 1 por equipos.
Con esta victoria o Quixós lidera a liga galega a falta de 3 probas para que remate.
RESULTADOS POR CATEGORÍAS
Varios deportistas do club acadaron dúas medallas. En categoría alevín, Xoel Fernández foi ouro en C-1 e prata en K-1 e Lucas Pavón bronce en C-1 e K-1. En infantil, Martín Prats e Sara Inés acadaron ouro en C-1 e K-1. En categoría benxamín, Abril Fernández e Antón Liñares levaron ouro en K-1. Finalmente, e moi salientable, o debutante Breixo Fernández, foi ouro en categoría prebenxamín.
Na entrega de medallas estiveron presentes o alcalde, José Tomé, a Tenente de Alcalde Gloria Prada, e o concelleiro de deportes, José Manuel Mougán.
