O novo equipo de Goberno, a través da concellería de Servizos Sociais, quere consolidar este centro por considerar que “é unha moi boa solución de conciliación para as familias”. As persoas usuarias reciben servizos de enfermería, atención social, terapia ocupacional e atención psicosocial, con actividades de dinamización social e cultural; ademais de servizo de fisioterapia, con actividades de prevención da inmobilidade. Si así o solicitan tamén poden beneficiarse de servizos externos e complementarios a demanda, como o servizo de transporte de recollida a domicilio ou o servizo de manutención e dietas.
Coincidindo coa xornada de portar abertas no mesmo centro realizarase unha exposición cos traballos de pintura en lenzo que realizaron os usuarios e usuarias. “A pintura é unha das actividades que máis lles gusta” –apuntan dende o centro- “e con esta mostra trátase de dar visibilidade aos seus traballos acadando a satisfacción persoal dos usuarios.”
A xornada de portas abertas será de oito da mañá a oito do serán. A partir das 11:00 acudirán o alcalde de Quiroga, José Luis Rivera, e o concelleiro de Servizos Sociais, Xosé Manuel Fernández. Convidarase aos asistentes a un almorzo.
