HomesociedadeAcórdase que o concello se persone como acusación popular no caso das...

Acórdase que o concello se persone como acusación popular no caso das rapazas presuntamente agredidas sexualmente nas Patronais de Monforte

A Xunta de Goberno celebrada este luns pola mañá, acordou que o Concello de Monforte se persone como acusación popular no caso das dúas mozas agredidas sexualmente na madrugada do martes día 15 na cidade do Cabe.

Publicado o

POR
Redacción
- Advertisement -

O alcalde de Monforte, José Tomé Roca, anunciaba o pasado 16 de agosto que a intención do goberno municipal era a de personarse como acusación popular, co obxectivo de que “caia sobre os presuntos culpables, todo o peso da lei”, e trala Xunta de Goberno de hoxe confirmouse dita acción.

O rexedor local deu así traslado ós servizos xurídicos da Deputación de Lugo, que presta este tipo de servizos ó Concello monfortino, para que leve a cabo as xestións e accións necesarias para exercer como acusación popular neste caso, que está en mans do Xulgado e da Policía Nacional.

Esta presunta agresión sexual de dous mozos a dúas mozas acaeceu na madrugada do día 15 en Monforte, no entorno da Gardería Municipal. Tomé Roca agradece o traballo e a rapidez coa que actuou a Policía Nacional para resolver e deter ós presuntos responsables e subliñou que “o pobo de Monforte rexeita taxantemente calquera tipo de agresión e moi especialmente si se trata de agresións sexuais a mulleres. En Monforte non cabe ningún tipo de comportamento machista nin delitos contra a integridade e a liberdade sexual das mulleres, especialmente si son cometidos con menores de idade”.

O Concello lembra que está a disposición das familias para axudar a superar este momento tan difícil, prestando se fose necesario, apoio legal, psicolóxico ou de outro tipo que precisen.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...