A 2ª edición do Ciclo de Concertos de Grupos de Monforte organizado polo Concello comeza este 23 de agosto na Praza da Estación de Monforte coas actuacións de Cero 2 Cero, ás 22:30 h. e Los Jinetes del Trópico ás 00:00 h.

Esta iniciativa naceu o pasado ano dentro do Programa de Verán de 2022, e “dado o éxito acadado, volvemos incluílo na nosa programación de verán de 2023, apostando decididamente por darlle protagonismo á actuacións de grupos monfortinos”, comenta o Alcalde, José Tomé Roca.

Este 2023 non haberá novidades no que respecta ás localizacións. Tres serán os escenarios onde os 11 grupos monfortinos presentes este ano desenvolverán as súas actuacións musicais:  a Praza da Compañía, a Praza da Estación e a Praza de España. Os días programados son este mércores 23, o xoves 24, o luns 28, o martes 29 e o 30 de agosto.

Programa e grupos participantes

• O mércores 23 de agosto: Cero 2 Cero (22:30 h.) e Los Jinetes del Trópico (00:00 h.), na praza da Estación.
• O xoves 24 de agosto: Dinosaurios (22:30 h.) e Doc Magoo’s (00:00 h.), na Praza da Compañía.

• O luns 28 de agosto: Dúo contrabaixo e voz- Gonzalo Herrero y Diana Tarín (22:30 h.) e  Movilla y Los Irrepetibles (00:00 h.), na Praza da Compañía.
• O martes 29 de agosto: Galga Blues Band (22:30 h.) e The Poet`s Silence (00:00 h.) na Praza de España.
• E o mércores 30 de agosto: Bella Chaos (22:30 h.), Vera Lynn (23:45 h.) e El Tarot de Toth (01:00 h.), na Praza da Estación.