O Centro Comercial Urbano (CCU) trae por segunda vez a Monforte de Lemos dúas actividades que farán gozar á xente máis aventureira do lugar: unha Gymkhana de 70 metros de longa e un Barco Pirata. Aínda que están pensadas para a rapazada, no caso da Gymkhana poderán participar maiores e a súa localización será na Praza da Compañía, os días 25, 26 e 27 de agosto.
A GYMKHANA DO CCU
Esta atracción ten 70 metros de inchable con 7 obstáculos diferentes: tobogán caída libre, habilidade, reptar, dificultade, escalada con tobogán, whipeout e mini rocódromo. Está indicada para persoas a partires de 5 anos e tendo cumprida esta idade dependendo da constitución física do neno valorarase polos monitores se pode acceder ou non a esta actividade.
BARCO PIRATA
Os máis e as máis peques que por idade/constitución non poidan entrar á Gymkhana, poderán divertirse neste espectacular barco pirata inchable. A partir de 3 anos mínimo de idade para poder acceder.
COMO CONSEGUIR UNHA ENTRADA
Os clientes do Centro Comercial Urbano (CCU) de Monforte poden acceder por 1€ presentando unha entrada da actividade. Para conseguir estas entradas da actividade é necesario facer un gasto de polo menos 9 euros nalgún dos establecementos asociados ao CCU.
Cada negocio contará con 50 entradas como máximo que dan dereito a participar das actividades. Se pola contra non se conta con esas entradas, o acceso terá un custe de 15 euros.
Dende a organización lembran que tamén se poden conseguir algunhas entradas a través das redes sociais, con sorteos que se farán estes días. Ollo, logo, aos perfís de Facebook, Twitter e Instagram do CCU de Monforte.
Actividades cofinanciadas pola Xunta de Galicia e que contan coa colaboración do Concello de Monforte.
