O centro histórico de Monforte, e a Praza de España como epicentro, serán protagonistas dun divertido campo de xogos onde se poderá gozar dun futbolín humano, unha diana xigante e outras sorpresas.
As actividades desenvolveranse o vindeiro 9 de setembro en horario de mañá, de 12 a 14:00 h., e de tarde, de 18.00 a 20.00 h. sendo necesario para acceder a elas presentar tickets de compra dos establecementos asociados por un importe mínimo de 10 euros (só serán válidos os que teñan a data do 25 de agosto en adiante).
ATA 500€ EN VALES AGASALLO
O CCU de Monforte reta aos participantes a demostrar a puntería co toque de balón e ofrece a posibilidade de gañar ata 500 euros en vales agasallo para gastar no comercio local asociado.
Para participar neste reto deben seguirse os seguintes pasos:
1- Hai que estar presente antes das 18.30 h. na Praza de España, xunto á Diana Xigante, e avisar aos monitores do interese en participar no concurso (requírese puntualidade).
2- Para poder participar no concurso cómpre presentar tickets de compra dalgún dos establecementos asociados ao CCU por un importe mínimo de 10€ (só serán válidos tickets con data do 25 de agosto ou posterior).
3- Só poden participar persoas maiores de idade ou menores acompañados por algún dos seus pais ou representante legais.
PREMIOS E MECÁNICA DO CONCURSO
Os participantes no concurso de puntería do CCU poderán gañar un destes tres premios:
1. Primeiro clasificado: 300 € (6 vales agasallo de 50€).
2. Segundo clasificado: 150 € (3 vales agasallo de 50€).
3. Terceiro clasificado: 50 € (1 vale agasallo de 50€).
Aínda que a mecánica exacta do concurso explicarase in situ o mesmo día do evento, xa que esta dependerá en boa medida do número de participantes (por cuestións de tempo), basicamente consistirá en demostrar a puntería na Diana Xigante que estará instalada na Praza de España.
Cada participante terá a opción de golpear o balón co pé un número de veces a determinar e obterá unha determinada puntuación en función de todos os seus lanzamentos. Esa puntuación fará que se clasifique ou non para a final da que sairán os gañadores dos 3 premios xa comentados.
NORMAS DE REFORZO QUE LEMBRA O CCU
1. Todos os premios serán entregados en vales de 50€.
2. Cada vale debe ser gastado integramente nun mesmo establecemento asociado ao CCU (non se poden dividir).
3. Non se poden gastar/utilizar máis de 2 vales (100€) nun mesmo establecemento.
4. O CCU non se fará responsable en caso de incumprimento desta normativa por parte do cliente premiado ou por parte do establecemento asociado que reciba os vales agasallo. O cliente debe saber ao participar no concurso que non pode utilizar máis de 2 vales nun mesmo establecemento asociado ao CCU e os establecementos asociados deben saber que non poden aceptar máis de dous vales da mesma persoa premiada.
5. Os vales agasallo teñen como data de caducidade o 25 de setembro de 2023. Pasada esa data non poderán ser utilizados polo premiado nin aceptados en ningún establecemento asociado.
