HomesociedadeMobilizacións en DomusVi de Monforte por "despedimentos" e "abuso laboral"

Mobilizacións en DomusVi de Monforte por “despedimentos” e “abuso laboral”

O sindicato Comisións Obreiras anunciou mobilizacións na residencia Domus VI de Monforte de Lemos polo que cualifica como unha situación "inadmisible" que vincula, entre outras cuestións, con "despedimentos e falta de persoal".

Publicado o

- Advertisement -

Nun comunicado, asegura que “máis aló dos problemas que veñen de atrás”, intensificáronse algúns “coa nova dirección”. Así, alude ao despedimento de traballadores “nun centro no que CCOO xa viña alertando de falta de persoal e unha desorbitada carga de traballo”.

Tamén alude “ao cambio de funcións das traballadoras, o que supón un risco tanto para as persoas usuarias como para as profesionais”. “É o caso, por exemplo, dos residentes con gran dependencia que necesitan ser atendidos por dúas xerocultoras para levantalos e asealos, labor que agora debe realizar unha soa”.

“O mesmo sucede coa administración da medicación, que non entra nas funcións deste colectivo a non ser que estea supervisado polo persoal de enfermaría”, apostilla o sindicato que engade que “non é o caso”.

Argumenta, ademais, que “aos problemas organizativos súmase a vulneración de dereitos laborais”. “A día de hoxe non temos calendario laboral ou o cómputo de horas extras”, recalca. Por todo iso, ademais de medidas legais, anuncia próximas mobilizacións para as que piden o apoio das familias e da cidadanía. “Para concienciar sobre a situación que se vive neste sector”, recalca.

ÚLTIMAS

Por Chantada presenta unha moción reclamando medidas urxentes de mellora na seguranza viaria

O grupo municipal Por Chantada – Interior Galego Vivo vén de presentar unha moción...

Afigal prestará servizos financeiros ás empresas asociadas a Ribeira Sacra Next

Afigal e a Asociación de Empresas Ribeira Sacra Next asinaron un convenio de colaboración...

‘Miconcurso de tapas’, iniciativa dos Lactourus para dinamizar a hostalería de Monforte

A Asociación Micolóxica Os Lactouros organiza os vindeiros mércores 18 e xoves 19 de...

Interrompida a circulación ferroviaria entre Sanclodio-Quiroga e Monforte

Adif vén de comunicar na súa páxina web e nas redes sociais unha interrupción...