A compañía lucense, Ítaca Teatro, estará o xoves, día 21 de setembro, en Chantada con Formigas no peto, que se representará ás 20h no Auditorio Municipal, con entrada de balde.

A función enmárcase no circuito teatral promovido pola Deputación de Lugo e na programación de actos organizados pola Asociación de Familiares de Enfermos de Alzheimer de Chantada para conmemorar o Día Internacional dedicado a concienciar sobre esta doenza.

Formigas no peto é unha intimista e emotiva proposta teatral, baseada no traballo de narrador e de actor de Carlos Rebolo, que viaxa por momentos e lugares da súa infancia, salpicados de lembranzas que mesturan personaxes do cotián con imaxes icónicas do cine ou da literatura.

Formigas no peto